Ekipa Tékniku Autoridade Tributária (AT) Partisipa iha Business Luncheon Event

Loron 12 Fevereiru 2020-Autoridade Tributária-MF partisipa  iha Business Luncheon Event iha Timor Plaza ne’ebé organiza husi Timor Plaza Management Team. Parte Autoridade Tributária (AT) sai oradór kona-bá New Online Tax iha Timor-Leste ho tema “Our Future with New Online Tax System”. 

Relasiona ho eventu ne’e, tuir Komisária Autoridade-Tributária, Mónica Rangel da Cruz hateten, objetivu hosi workshop ida ne’e mak atu introdúz plataforma E-services  Online  sira ne’e ba shareholder ka parseiru sira seluk hodi sira bele kompriende oinsa prosesu foun sira ne’ebé implementa dadaun. 

Eventu ne’e fó benefisiu bo’ot ba Ministériu Finansas, liu-liu Autotridade Tributária atu  fahe  informasaun sobre plataforma foun ne’ebé agora dadaun implementa iha prosesu selu impostu.

Plataforma E-services, katak hamenus Servisu manuál/paperwork, tambá ho sistema online parseiru sira bele submete sira nia formuláriu mensal no anual Online e mos bele fasilita sira ba servisu manual/paperwork ne’ebé durante ne’e la’o . Realidade ne’ebé mak durante ne’e akontese maka kontibuintis sira tenki mai edifisiu ministério hodi prienxe formuláriu manuál,  hatama iha  AT, lori fali ba banku hodi selu no  prosesu seluk tan ne’ebé difikulta kontibuintis hodi selu tuir tempo ne’ebé determina.

Komisária mós informa liu tan katak, la’os deit fahe informasaun maibé agora dadaun AT konvida ona kontribuintis sira hodi fó worskshop tékniku i iha tempo hanesan fornese mos password no user name ba sira hotu para sira bele submete sira nia fomaláriu online iha kualker tempo no fatin ne’ebé konviniente.