Ekipa Tékniku A.T fornese Treinamentu E-Services ba kontribuintis

Ekipa Tékniku A.T fornese Treinamentu E-Services ba kontribuintis

Iha loron 04  Fulan-Marsu,  Ministériu Finansas (MF) Liuhusi Autoridade Tributária (A.T)partisipa iha Seremónia ne’ebé organiza hosi TradeInvest hodifo treinamentu kona-ba E-services ba kontribuintis Sira iha Timor. Treinamentu ne’e realiza iha Resintu TradeInvest, Rua 25 de Abril, n.º 8, Colmera, Vera Cruz, Díli, Timor Leste.

Tuir Xefe Repartisaun Munisípiu Dili, Luis Norbertu dos Santos Pereira hateten  razaun profundu husi  treinamentu refere mak fo koñesementu ba kontribuintis sira  kona-ba E-SERVICES hodi kontribuintis sira bele submete sira-nian formuláriu mensal no anuál ka formuláriu ne’ebé sira selu iha banku diretamente  ba iha sistema Online ”.

Xefe Repartisaun Munisípiu Dili énfaze liutan katak treinamentu ne’e importante tebes tamba la kleur tan kontribuintis sira sei halo E-Filing maibé kontribuintis tenki mai halo registu iha Resintu A.T hodi hetan User name ho password sistema online.Nune’e sira bele submete formuláriu mensal no anuál mai Autoridade Tributária nomós minimiza kustos no kontribuntis sira sei la kolen. Kontribuntis sira iha oportunidade atu uza sira-nia facilidade elektróniku rasik mak hanesan telemovel, Laptop no komputador hodi bele upload ba sistema wainhira atu selu ou relata zero formuláriu.

Aprezentadores hosi ekipa Tékniku AT  ba iha eventu refere mak Tékniku E-service AT-MF Alda Da Conceicão  no Eugenio Gonçalves da Silva no Treinamentu finaliza ho sucessu tamba hetan kolaborasaun di’ak entre MF no TradeInvest. 

Ikusliu, Xefe Repartisaun Munisípiu Dili mós informa tan katak wainhira E-servise ka online filing ne’e completa on husi SIGTAS Versaun 1 ba Versaun 3, sistema hotu sei uja ho online maibé   kontribuintis sira mak hetan problema iha ligasaun Internet ladun diak ka asuntu tékniku seluk, la taka dalan ba sira atu bele submete manuál hodi nune’e bele hamenus eiru ou problema kontribuintis sira nian rasik.

Kontribuintis hotu bele asesu A.T nia portal fou iha www.attl.gov.tl nune’e bele hetan informasaun kompletu.