AVISU PÚBLIKU-Submisaun no Pagamentu Obrigasaun Fiskál ho Antecedénsia

Autoridade Tributária (AT) informa no enkoraja kontribuinte hotu-hotu atu halo submisaun Formuláriu no Pagamentu Impostu fiskál Mensal antesipadu, konsidera ba sistema impostu nian ne’ebé dalaruma mosu instabilidade ka interrupsaun temporária.

Kontribuinte sira la presiza hein to’o loron 15 ka fulan (loron ikus) atu halo submisaun no pagamentu. AT rekomenda atu kontribuinte sira halo submisaun no pagamentu entre loron 1 to’o loron 10 kada fulan.

Submisaun no pagamentu entre loron 1 to’o 10 kada fulan sei fó oportunidade ba kontribuinte atu:

• Verifika no konfirma sira-nia deklarasaun no pagamentu;
• Korije ka rezolve problema ruma ne’ebé mosu durante prosesu submisaun no pagamentu;
• Evita atrazu tanba instabilidade ka interrupsaun temporária sistema; no
• Evita penalidade tanba submisaun fora de prazuka Late Submission.

Autoridade Tributária husu ba kontribuinte hotu-hotu atu planeia obrigasaun fiskál, no halo submisaun no pagamentu ho antecedénsia, hodi asegura kumprimentu voluntáriu tuir prazu legal no evita penalidade.