Diskursu S.E. Ministra Finansas En Ezersisiu no atual Vise-Ministra Finansas Sara Lobo Brites
October 9, 2019 Comments Off on Diskursu S.E. Ministra Finansas En Ezersisiu no atual Vise-Ministra Finansas Sara Lobo Brites News & Events admin

Bom dia e benvindu ba bainaka sira hotu, Presidente Camara Comercio e Industria, Sr. Oscar Lima, Presidente Assosiasaun Emprezaria Mulher Timor-Leste, Representante Banco Central, Representante TIC Diretores Jerais, Diretores Nascionais hosi Ministériu Finansas nomos Hosi Transporte Terestre, no maluk empresarios no kontribuentes sira hotu, Ksolok no honra boot ida mai ami atu bele halibur malu ho ita boot sira hotu, iha fatin ida ne’e atu asiste lansamentu Portal Autoridade Tributária. Hanesan Ministra Financas Interina, hau senti orgulho tamba portal ne’e hanesan produto ida ne’ebe dezenvolve rasik hosi ekipa IT Autoridade Tributaria nian. Hanesan ita hotu acompaña programa reforma fiscal ne’ebe hahu desde tinan 2015, iha tinan 2017 Konsege transforma ona Diresaun Jeral imposto ba Autoridade Tributária. Portal ne’e sei fo benifisiu ba parte Governu nomos kontribuente sira atu lori Servisu ka atendimentu Autoridade Tributária nian hakbesik liu tan ba kontribuente sira hodi bele asessivel ba informasaun sira iha área imposto, via elektrónika. Parte hosi reforma sira seluk maka tenki hadia sistema tributária, aumenta rekursus humanos, fo formasaun adekuadu, ho nune’e Autoridade Tributária bele halo nia funsaun ho kredivel, jere koleksaun de receitas ho diak hodi bele kontribui ba dezenvolvimentu iha ita nian rain. Neduni Ho lansamentu portal ida ne’e hanesan hakat importante ida tan ba oin, hosi Autoridade Tributária iha ámbito programa Reforma Fiskál nian, hodi moderniza sistema informasaun no teknolozia iha servisu administrasaun Atoridade Tributária ninian; Benefísiu prinsipál ida husi utilizasaun no aplikasaun sistema informasaun no teknolozia maka oinsa iha efisiensia ba tempu no redúz kustu wainhira kontribuinte sira trata asuntu administrasaun no konformidade fiskál kada kontribuinte sira nian (minimizing administrative and compliance cost and resource-efficent); Izemplu konkreta mak, ho portál Autoridade Tributária ne’ebé ita sei lansa ohin, sei iha mos elementu ka meios ita bolu “E-Services” – ne’ebé sei fasilita kontribuinte sira atu asesu (download) formuláriu impostu nian no bele relata sira ninia obrigasaun fiskal via internet, wainhira kontribuente halo tiha ona pagamentu ba impustu. Kontribuinte sira la presiza tan lori dokumentu sira ne’e (fizikamente) mai iha Autoridade Tributária. Ita bo’ot sira presiza iha deit redeInternet atu halo ezersisu ida ne’e. Esforsu hirak ne’e ita halo atu hadia prestasaun servisu ida ne’ebé ho efikáz no efisiente iha futuru; Parte hosi programa reforma ida tan ne’ebe projektu ne’e em kursu hela i iha tempu badak sei lansa maka sistema tributaria SIGTAS sei aktualiza ba Versaun foun ne’ebe automatizadu no sufistikadu liu. Tuir fali maka hadia diak liu tan vias de pagamento. Ho produto sistema pagamento P24 ne’ebe lidera hosi Banku Central hamutuk no banku komersial sira bele fornece ba kliente sira vias de pagamentu ne’ebe asesivel, lais nomos digno.

Fontes:

https://www.mof.gov.tl/wp-content/uploads/2019/10/20191004_Diskursu-Excia-Ministra-das-Finansas_Lansamentu-Portal-Autoridade-Tributaria-4-de-outubro-2019.pdf

About The Author