Autoridade Tributária Lansa Portál Ofisial

Autoridade Tributária Lansa Portál Ofisial
October 9, 2019 Comments Off on Autoridade Tributária Lansa Portál Ofisial News & Events admin

Autoridade Tributária ofisialmente iha loron 4 Outubru 2019, lansa ona portál www.attl.gov.tl hodi ajuda kontribuiente hodi selu impostu via online iha kualker fatin wainhira iha asesu ba lina internet.

“Portal ne’e sei fo benifisiu ba parte Governu nomos kontribuiente sira atu lori servisu ka atendimentu Autoridade Tributária nian hakbesik liu tan ba kontribuiente sira ho asessivel ba informasaun sira iha área impostu, via elektronika”. Ministra Finansas Interina no Vise Ministra Finansas Sara Lobo Brites iha lansamentu portal Autoridade Tributária ne’ebe halao iha Auditoriu Xanana Gusmão, Ministériu Finansas.

Aplikasaun ho sistema teknolojia ne’e kontribuinte sira la presiza lori dokumentu fizikamente mai iha Autoridade Tributária hodi selu impostu. Ho aplikasaun sistema hirak ne’e sei fasilita kontribuinte sira hodi redúz kustu no tempu wainhira kontribuinte sira trata asuntu administrasaun no konformidade fiskál nian.

“Esforsu ida ne’e, ho parte/entidade relevante sira hotu ninia serbisu hamutuk, sei revolusioniza ita ninia sistema administrasaun tributária ida modérnu no diak liu tán” hateten Ministra Finansas Interina

Portal ATTL nu’udar servidor ne’ebe hosting hosi governu no hetan kontrolu hosi Ajensia TIC Timor (Teknolojia Informasaun no Komunikasaun) ho protokulu ne’ebe seguru (Secure Protocol) atu proteje dadus. Velosidade hosi portal ne’e atinji 85% ne’ebe hetan teste hosi ISP (Internet Service Provider, TT no Telcomsel). Uniku seluk hosi portal AATL mak asesibilidade ne’ebe bele asesu iha devices hanesan Laptop, Mobile Phone bazeia ba Web responsive.

“Nu’udár Timor oan urgullu tebes tanba, la’os deit ema rai seluk maka uza e-services ba pagamentu. Ne’e sai hanesan pasu ida ne’ebé kapas tebes atu iha e-services tanba bele save ami nia tempu. Tanba durante nene’e ami lakon ami nia tempu iha tax-office tanba buat hotu-hotu manuál”, tenik Diretora CC Business Solutions Lda, Monica Graziela Guterres.

Benefisiu hosi aplikasaun E-Services sei garante Transparensia entre Autoridade Tributária ho kontribuiente sira tanba bele hare iha dadus ne’ebe mak submete online. Inklui mos garante Tax Compliance hodi ajuda kontribuiente hodi hare sira nia dadus rasik (Hatene lolos osan hira mak selu ona ba estadu liu husi taxa)

Kontribuiente hirak ne’ebe sei utiliza programa ne’e wainhira partisipa iha lansamentu ne’e rekunhese tebes importânsia hosi aplikasaun sistema ne’e nu’udar pasu importante tebes hodi ajuda sira nia negosiu wainhira hakarak selu taxa ba Governu

Fontes husi Portal Ministeriu Finansas

https://www.mof.gov.tl/autoridade-tributaria-lansa-portal-ofisial/?lang=tl

About The Author